Azərbaycan millisinin futbolçusu Coşqun Diniyevin formasını geyindiyi "Ümraniyespor" Türkiyə 1-ci liqasında 15-ci tur oyununa çıxıb.

Bizim.Media xəbər verir ki, komanda "Keçirörengücü"nü qəbul edib və 2:0 hesabı ilə qalib gəlib.

C.Diniyev start heyətdə meydana çıxıb və 79-cü dəqiqədə əvəzlənib. O, 71-ci dəqiqədə penaltidən komandasının 2-ci qolunun müəllifi olub. Bu, onun turnirdə 3-cü qoludur.

"Ümraniyespor" - "Keçiörüngücü" - 2:0

Qollar: Qlumak, 42, Coşqun Diniyev, 71-pen.

Qeyd edək ki, "Ümraniyespor" 18 xalla 11-ci pillədə qərarlaşıb. Siyahıya 36 xalla "Eyüpspor" başçılıq edir.