Bu qış “Mançester Yunayted”i tərk edəcəyi gözlənilən Kazemiro uzun müddət klubsuz qalmayacaq.

Publika.az xəbər verir ki, Səudiyyə Ərəbistanı “Əl-Hilal”ı artıq futbolçunun mümkün keçidi ilə bağlı onun nümayəndələri ilə əlaqə saxlayıb.

Şeyxlər Çempionlar Liqasının beşqat qalibini ildə 20 milyon avroluq maaşla şirnikləndirirlər. Futbolçu və onun nümayəndələri düşünmək üçün vaxt istəyiblər.

Braziliyalının Avropada qalmaq variantları da var. Xüsusən də PSJ və İtaliyanın adı açıqlanmayan klubu onun xidmətində maraqlıdır.

Qeyd edək ki, Kazemiro 2022-ci ilin yayında “Real”dan “Mançester Yunayted”ə keçib. Bu mövsüm braziliyalı “qırmızı şeytanlar”ın heyətində bütün yarışlarda 12 oyun keçirib və 4 qol vurub.