Futbol üzrə Azərbaycan Premyer Liqasında qış transfer dövrünün başlamasına 2 ay qalıb.

"Transfermarkt" xəbər verir ki, Azərbaycan çempionatında ən bahalı futbolçu 3 milyon avro dəyərlə "Neftçi"nin oyunçusu Andre Şinyaşikidir. Digər "ağ-qaralı" Yuri Matias ikinci pillədə (1,8 milyon avro), "Sabah"dan İsak Belfodil isə üçüncü yerdədir (1,7 milyon avro).

Tarixində ilk dəfə Avropa Liqasının pley-offuna yüksələn "Qarabağ"ın 3 futbolçusu ilk "10-luq"da yer alıb. Ağdam təmsilçisindən Andrey Lunyov 1,2 milyon avro transfer dəyəri ilə komanda yoldaşları arasında ən bahalı futbolçudur.

Qeyd edək ki, Azərbaycanda qış transfer pəncərəsi 2024-cü il 25 fevral - 31 mart tarixlərini əhatə edəcək.

1. Andre Şinyaşiki ("Neftçi") - 3 milyon avro
2. Yuri Matias ("Neftçi") - 1,8 milyon avro
3. İsak Belfodil ("Sabah") - 1,7 milyon avro
4. Emin Mahmudov ("Neftçi") - 1,4 milyon avro
5. Andrey Lunyov ("Qarabağ") - 1,2 milyon avro
6. Yassin Benzia ("Qarabağ") - 1 milyon avro
7. Reziuan Mirzov ("Neftçi") - 1 milyon avro
8. Ervin Koffi ("Neftçi") - 900 000 avro
9. Leandro Andrade ("Qarabağ") - 900 000 avro
10. Maruan Hadudi ("Sabah") - 850 000 avro