Bundesliqa: “Bayer” məğlubiyyətsizlik seriyasını 33 oyuna çatdırdı - VİDEO

24-02-2024, 15:04           
Bundesliqa: “Bayer” məğlubiyyətsizlik seriyasını 33 oyuna çatdırdı - VİDEO
Almaniya Bundesliqasında 23-cü tura start verilib.

Turun açılış matçında lider “Bayer” doğma arenada autsayder “Mayns”la qarşılaşıb.

Görüşün artıq 3-cü dəqiqəsində Caka hesabı açaraq meydan sahiblərini önə çıxarıb. Lakin 5 dəqiqə sonra Kor hesabı bərabərləşdirib. 68-ci dəqiqədə Leverkuzen klubu Andrixin qolu ilə yenidən irəli keçib. Matçın 80-ci dəqiqəsində “Mayns” azlıqda qalıb. Lakin bu yekun nəticəyə təsir göstərməyib - 2:1.

Xabi Alonsonun baş məşqçisi olduğu kollektiv hazırda 61 xalla Bundesliqada liderdir. Komanda ikinci sıradakı “Bavariya”nı 11 xal qabaqlayır. Münhenlilərin aktivində bir ehtiyat oyunu var. “Mayns” isə 15 xalla 17-cidir.
Qeyd edək ki, bu qələbə sayəsində “Bayer” bütün turnirlər daxil olmaqla, məğlubiyyətsiz oyunlar seriyası 33-ə (29 qələbə, 4 heç-heçə) çatdırıb.

Xatırladaq ki, Leverkuzen komandası UEFA Avropa Liqasının 1/8 final mərhələsində “Qarabağ”la oynayacaq. Oyunlar mart ayının 7 və 14-də keçiriləcək.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru