Səudiyyə Ərəbistanı Pro Liqasının 32-ci turunda artıq çempionluğunu rəsmiləşdirən “Əl-Hilal” “Ən-Nəsr”in qonağı olub.

Ər-Riyaddakı “Əl Avval Park” stadionunda keçirilən matçda hesab ilk dəqiqədə açılıb.

Ronaldunun ötürməsindən sonra Otavio ev sahiblərini irəli çıxarıb. Lakin 90+9-cu dəqiqədə Mitroviç penaltidən hesabı bərabərləşdirib - 1:1.
Səudiyyə Ərəbistanı çempionatının 32 turundan sonra “Ən-Nəsr” 78 xal toplayıb və ikinci pillədə qərarlaşıb. “Əl-Hilal” isə 90 xalla birinci yerdədir.