"Empoli" "Roma" ilə oyunun sonunda qələbə qazanaraq, A Seriyasında qala bildi

27-05-2024, 10:19           
"Empoli" "Roma" ilə oyunun sonunda qələbə qazanaraq, A Seriyasında qala bildi
İtaliya A seriyasının son turunda "Empoli" və "Roma" qarşılaşması başa çatıb.

Oxu.Az xəbər verir ki, oyun "Karlo Kastellani" stadionunda (Empoli, İtaliya) baş tutub. Qarşılaşma meydan sahiblərinin 2:1 hesablı qələbəsi ilə başa çatıb.

Matçın 13-cü dəqiqəsində "Empoli"nin yarımmüdafiəçisi Matteo Kançelyeri hesabı açıb. Ona hücumçu Emmanuel Qyasi köməklik edib. Qonaqlar 19-cu dəqiqədə qol vursalar da, VAR-ın yoxlamasından sonra Brian Kristantenin qolu qəbul edilməyib. Matçın 45+1-ci dəqiqəsində "Roma"nın yarımmüdafiəçisi Ussem Auar müdafiəçi Anhelinyonun ötürməsi ilə hesabı bərabərləşdirib.

Matçın 90+3-cü dəqiqəsində "Empoli" qələbə qolunu vurub: hücumçu M"Baye Nyanq Kançelyerinin ötürməsindən fərqlənib.

Bu qələbədən sonra "Empoli" 36 xal toplayaraq 17-ci yeri tutub ki, bu da komandaya turniri tərk etməməyə və növbəti mövsüm A Seriyasında çıxışını davam etdirməyə imkan verir. "Roma" 63 xalla altıncı pillədə qərarlaşıb.

"İnter" 2023/2024 mövsümü üçün A Seriyasının çempionu olub. Simone İnzaqinin yetirmələri 38 matçda 94 xal toplayıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru