"Liverpul"un müdafiəçisi Trent Aleksander-Arnold karyerasını "Real"da davam etdirməkdə israrlıdır.

Bizim.Media xəbər verir ki, bu barədə "Marca" məlumat yayıb.

26 yaşlı müdafiəçi Madrid təmsilçisinə keçmək istədiyini artıq "mersisaydlılar"a bildirib.

Bu, "Liverpul"un futbolçunu müqaviləni uzatmağa razı salmağa çalışmasından sonra baş verib.

Qeyd olunur ki, "Real" futbolçunu qışda almağa və ya yaya qədər gözləyərək onun azad agent keçidini reallaşdırmağa hazırdır.

Trentin "Liverpul" ilə müqaviləsi isə 2025-ci ilin yayına qədərdir.

Qeyd edək ki, bu mövsüm Aleksander-Arnold bütün turnirlərdə 22 oyun keçirib və 5 məhsuldar ötürmə verib.