Hollandiyanın PSV klubu Avropa kuboklarında 10 oyunluq qələbə həsrətinə son qoyub.

"Report" xəbər verir ki, Eyndhoven təmsilçisi buna Belarusda BATE üzərində 3:2 hesablı qələbə sayəsində son qoyub. Sonuncu qalibiyyət 2015-ci ilin dekabrında gerçəkləşib. PSV futbolçuları həmin vaxt Hollandiyada Rusiya MOİK-ini 2:1 hesabı ilə yeniblər. Sonrakı oyunlarından isə onlar 6 məğlubiyyət, 4 heç-heçə ilə ayrılıblar.

BATE Çempionlar Liqasının III təsnifat mərhələsində "Qarabağ"ı mübarizədən kənarlaşdırıb - 1:0, 1:1. PSV isə Belarus təmsilçisinin 4 oyunluq məğlubiyyətsizlik seriyasına son qoyub.

Cavab görüşü avqustun 29-da Eyndhovendə keçiriləcək.