Hindistanda meymunlar kişini kərpiclə öldürdülər
22-10-2018, 07:11
Hindistanda meşəyə odun üçün gedən 72 yaşlı kişini meymunlar kərpiclə öldürüblər.
Oxu.Az-ın “Sky News”a istinadən məlumatına görə, qoca aldığı xəsarətlərdən xəstəxanada dünyasını dəyişib.
Polisdən bildiriblər ki, heyvanlar kərpicləri dağılmış binadan götürüblər və ağaclara qaldırıblar. Meymunlar kişiyə 20-dən çox kərpic atıblar. Mərhumun ailəsi hüquq-mühafizə orqanlarına rəsmi müraciət ünvanlayıb.
“Bu meymunlar əsl cinayətkardırlar, onlar cavab verməlidirlər”, - ölən şəxsin qardaşı deyib.
Polisdən qeyd ediblər ki, heyvanlara qarşı cinayət işi açıla bilməz.
