Şabranın rayon bazarında bıçaqlanma olub.

"Report"un Şimal bürosunun məlumatına görə, sərxoş halda olan yerli sakinlər - 1992-ci il təvəllüdlü Novruzov İlkin Səhrab oğlu və 1996-cı il təvəllüdlü Əmiraslanov Elməddin Nəcməddin oğlu mübahisə edib.

Nəticədə İ.Novruzov E.Əmiraslanovun qarın boşluğuna bir neçə bıçaq zərbəsi vurub. Yaralı Şabran Rayon Mərkəzi Xəstəxanasının Cərrahiyyə şöbəsinə yerləşdirilərək əməliyyat olunub. Onun vəziyyətinin orta-ağır olduğu bildirilir.

Faktla bağlı Şabran rayon Polis şöbəsində araşdırma aparılır.

Qeyd edək ki, bundan əvvəl Mingəçevir şəhərində də bıçaqlanma hadisəsi baş verib.