Xırdalan şəhərində bıçaqlanma hadisəsi baş verib.

Publika.az xəbər verir ki, Şamaxı rayonunun Şərədil kənd sakini olan 1998-ci il təvəllüdlü Mikayılov Elməddin İdris oğlu “Tosoil” yanacaqdoldurma məntəqəsinin yanında naməlum şəxsin hücumuna məruz qalıb. Həmin şəxs 20 yaşlı oğlanı bıçaqlayaraq “İPhone 6” markalı telefonunu alıb.

Quldurluq edən şəxs qaçıb. E.Mikayılov isə xəstəxanaya yerləşdirilib. Zərərçəkən bildirib ki, ona hücum edən şəxsi üzdən tanıyır və adı Məhəmməddir.

Faktla bağlı cinayət işi açılıb, araşdırma aparılır.