Bazar ertəsi qəzaya uğrayan İndoneziyaya məxsus “Boinq 737” təyyarəsinin sərnişini hadisədən bir neçə dəqiqə əvvəl həyat yoldaşına öz selfisini çəkərək göndərib.

Axar.az xəbər verir ki, sərnişin Deril Fida Febrianto reysi gözləyərkən arvadı ilə yazışıb və daha sonra təyyarə havaya qalxarkən öz fotosunu ona göndərib.

Bu, onun son mesajı olub. Təxminən 13 dəqiqə sonra təyyarə radarlardan itib.

“Mən xəbərləri görəndə reysin nömrəsi ilə Derilin mənə göndərdiyi təyyarə biletinin fotosunu müqayisə etdim və ağladım”, - deyə Lutfiani Eka Putri deyib.

Xatırladaq ki, qəza bazar ertəsi baş verib və təyyarədə olan 189 sərnişindən heç kim sağ qalmayıb.