Bakı şəhər Nərimanov rayonu ərazisində ət mağazasının qarşısında kəsilməsi üçün saxlanılan heyvanın ağzının yapışqanlı lentlə bağlanması sakinlərin diqqətini cəlb edib.

Publika.az xəbər verir ki, Təbriz küçəsi 23-27 ünvanının qarşısında qəssab inəyi çöldə dəmir zəncirlə bağlayıb və böyürərək əhalini narahat etməməsi üçün ağzını "skoçla" bükərək səs çıxarmasının qarşısını alıb.

Foto sosial şəbəkələrdə yayılandan sonra geniş müzakirə predmetinə çevrilib və inəyə qarşı edilənlərin qeyri-insani hərəkət olduğu vurğulanıb.