Şəkidə 85 yaşlı qadın faciəli şəkildə ölüb.

Open.az-ın məlumatına görə, hadisə rayonun Y. Süleymanov küçəsində baş verib. Şəki Kommunal Təsərrüfatı İstehsal Birliyində işləyən, 1973-cü il təvəllüdlü, II qrup Qarabağ əlili, İlqar Əliyev idarə etdiyi "Qaz-48321" yük maşını ilə məişət tullantıları yığarkən avtomobili arxaya idarə edib. Bu zaman məişət tullantısı atan, 1933-cü il təvəllüdlü Təyyarə İsrafilzadə avtomobilin kuzasının yan hissəsində olan dəmirə ilişərək yıxılıb və yük maşınının altında qalıb. 85 yaşlı qadın Şəki rayon Mərkəzi Xəstəxanasına çatdırılıb. Ona ilkin yardım göstərilərək evə buraxılıb.

T. İsrafilzadə yaşadığı evdə dünyasını dəyişib.

Faktla bağlı Cinayət Məcəlləsinin 263-cü (ölümlə nəticələn yol-nəqliyyat hadisəsi törətmə) maddəsi ilə cinayət işi başlanıb, müəyyən ekspertizalar təyin edilib.
0