Macarıstanda yeni növ koronavirusla əlaqədar hər gün saat 00:00-dan səhər saat 05:00-a qədər komendant saatı tətbiq edilir. Eyni zamanda ölkədə barlar və əyləncə mərkəzləri də bağlanır.

Trend-in "TASS"a istinadən verdiyi məlumata görə, bu barədə ölkənin baş naziri Viktor Orban bildirib.

Baş nazir qeyd edib ki, "xüsusi rejim" çərşənbə günü gecə yarısında qüvvəyə minəcək. O, parlamentdən məhdudiyyətlərin 90 gün müddətinə uzadılmasını istəyəcəyini də qeyd etdi.

Ölkədə təhsil müəssisələri, mağazalar və restoranlar həmişəki qaydada fəaliyyət göstərməyə davam edəcək.