Vikipediya onlayn ensiklopediyasının ingilis dili bölməsinin fəal istifadəçisi 16 yaşlı Ayxan Zayıdzadə Azərbaycanın müdafiə naziri Zakir Həsənovla bağlı Vikipediyanın ingilis dili bölməsindəki məqaləsini mühafizəyə aldırıb.

Bu barədə Axar.az-a diaspor üzrə araşdırmaçı ekspert Elnur Eltürk məlumat verib.

“Dünəndən etibarən erməni istifadəçilər Vikipediyanın Azərbaycan müdafiə naziri, general-polkovnik Zakir Həsənovla bağlı ingilis dili bölməsindəki məqaləsinə müdaxilə edirdilər. Lakin onların çirkin niyyəti öz nəticəsini vermədi. "EnViki"nin fəal istifadəçisi Ayxan Zayıdzadənin Vikipediyanın ingilis dili bölməsinin idarəçilərinə müraciəti öz nəticəsini verib. A.Zayıdzadə məqalənin bir həftəlik mühafizə olunmasına nail olub”, - Eltürk bildirib.