Avstriyada cərrah əməliyyat zamanı səhv ayağı kəsib və buna görə cəzalandırılıb.

Redaktor.az BBC-yə istinadla xəbər verir ki, yaşlı xəstənin sol ayağı əvəzinə sağ ayağını kəsən həkimin bu səhvi iki gün sonra üzə çıxıb.

Çərşənbə günü Linz şəhər məhkəməsi 43 yaşlı cərrahı açıq-aşkar səhlənkarlıqda təqsirli bilib və onu 2700 avro miqdarında cərimələyib. Məhkəmədən əvvəl vəfat edən 82 yaşlı xəstənin dul arvadına 5 min avro təzminat ödənilməsinə qərar verilib.

Əlavə olaraq bildirək ki, bənzər hadisə 1995-ci ildə ABŞ-da da baş verib.