Ukraynada hərbi əməliyyatlar başlayandan indiyədək Rusiya Silahlı Qüvvələrinin 277 660 hərbçisi məhv edilib.

Bu barədə Ukrayna Silahlı Qüvvələrinin Baş Qərargahı məlumat yayıb.

Qeyd olunub ki, Rusiyanın digər döyüş itkiləri 4 687 tank, 8 972 zirehli maşın, 6 409 artilleriya sistemi, 794 RYAS (reaktiv yaylım atəşi sistemi), 536 hava hücumundan müdafiə sistemi, 315 təyyarə, 316 helikopter, 4 991 operativ-taktiki PUA, 1 529 qanadlı raket, 20 gəmi/qayıq, bir sualtı qayıq, 8 836 avtomobil və sistern, 930 xüsusi texnikadan ibarətdir.
Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.