Crocus City Hall-da baş verən terror aktından sonra Tacikistan vətəndaşları Rusiyaya aviabiletləri qaytarmağa başlayıblar .

32gun.az bilsirir ki, bu barədə “Asia-Plus” portalı aviaşirkətin nümayəndəliklərinə istinadən məlumat yayıb .

Xüsusilə “Somon Air”in nümayəndələri bildiriblər ki, hazırda Rusiyaya bilet satışında, eləcə də onların geri qaytarılmasında azalma var. Orta hesabla - 20%-ə qədərdir.

Həmçinin Düşənbədəki aviakassalar sərnişinlərin azlığı səbəbindən Rusiyaya uçuşların sayının azaldığını bildiriblər. O cümlədən, “Ural Hava Yolları”nın Rusiya Federasiyasına öz cədvəlində üç yox, yalnız bir reys buraxdığı bildirilir.