Hərbi Gürcüstan Yolu ilə ağır yük maşınlarının hərəkəti pis hava şəraiti ilə əlaqədar dayandırılıb.

Bu barədə Rusiya Fövqəladə Hallar Nazirliyinin Şimali Osetiya üzrə Baş İdarəsi məlumat yayıb.

“Gürcüstan ərazisində hava şəraitinin pisləşməsi, avtonəqliyyat vasitələrinin təhlükəsiz keçidinin təmin edilməsinin mümkünsüzlüyü, həmçinin Gürcüstan sərhəd polisinin tövsiyələri nəzərə alınaraq Vladiqafqaz - Lars istiqamətində ağır tonnajlı avtomobillərin hərəkəti qadağan edilib”, - məlumatda qeyd olunub.

Bildirilib ki, qadağa saat 31 mart saat 02:00-dan (Bakı vaxtı ilə saat 03:00) növbəti əmrə kimi tətbiq edilib.

Qeyd edək ki, Hərbi Gürcüstan Yolu Rusiyanı Gürcüstan və Ermənistanla birləşdirən yeganə quru yoludur.