Səhmləri dövlətə məxsus olan müəssisələr öz səhmlərini buraxmaq üçün bir neçə vacib amilləri nəzərə almalıdırlar. İlk növbədə maliyyə şəffaflığı və idarəetmə sisteminin təkmil olması lazımdır. Prezidentin İqtisadi islahatlar üzrə köməkçisi Natiq Əmirovun fikrincə artıq beynəlxalq uçot sistemini tətbiq edən və maliyyə göstəricilərini açıqlayan SOCAR bu sahədə birinci ola bilər. N.Əmirov SOCAR-ın səhmlərinin bir hissəsini bazara çıxarmasını mümkün hesab etdiyini bildirdi.