Darı faydalı minerallar, lif və vitaminlərlə zəngin olan sağlam qidalanma üçün ideal bir taxıldır. İçərisində B vitaminləri, maqnezium, dəmir, fosfor və antioksidantlar bol miqdarda mövcuddur. Foodinfo.az xəbər verir ki, bu taxılın istifadəsi xüsusilə enerji səviyyəsini artırır və immun sistemini gücləndirir. Darı yüksək lif tərkibi ilə həzm sisteminə faydalıdır və qəbizliyi aradan qaldırır. Lifli quruluşu qanda şəkər səviyyəsini tənzimləyir və toxluq hissi yaradır, buna görə də çəki nəzarətinə kömək edir. Bu xüsusiyyətləri ilə şəkərli diabet riskini azaldır. Darı maqnezium və fosforla zəngin olduğu üçün ürək sağlamlığını dəstəkləyir, qan təzyiqini tarazlayır və ürək xəstəlikləri riskini azaldır.Antioksidantlarla zəngin olması bədəni zərərli sərbəst radikallardan qoruyaraq xərçəng riskini azaldır. B qrup vitaminləri isə beyin sağlamlığını qoruyur və sinir sisteminə müsbət təsir edir. Asan həzm olunan və qlütensiz bir qida olan darı allergiyası olanlar üçün ideal seçimdir.