Axşam saatlarında Tovuz rayonunda 1 nəfərin ölməsi, 2 nəfərin yaralanması ilə nəticələnən ağır yol qəzası baş verib.
"Report"un Qərb bürosu xəbər verir ki, rayonun Heydər Əliyev prospekti ilə hərəkətdə olan "90-DK-003" dövlət qeydiyyat nişanlı "Porsche" markalı minik avtomobili idarəetməni itirərək yoldan çıxıb və divara çırpılıb.
Hadisə nəticəsində sürücü, 1981-ci il təvəllüdlü, Qəhramanov Zakir Şakir oğlu ölüb. Maşında olan sərnişinlər, Tovuz rayon Alakol kənd sakinləri - 1984-cü il təvəllüdlü, Hüseynov Nurxan Əmirxan oğlu və 1990-cı il təvəllüdlü, Fətullayev Azad Ramiz oğlu ağır bədən xəsarətləri alaraq Tovuz Rayon Mərkəzi Xəstəxanasına yerləşdirilib. Onların vəziyyəti ağırdır.