Suriya ərazisinin 25 faizi PYD/YPG-nin, 10 faizi İŞİD-in nəzarətindədir -Ərdoğan
24-10-2017, 16:48
Suriya ərazisinin 25 faizi PYD/YPG-nin, 10 faizi İŞİD-in nəzarətindədir
Suriya ərazisinın 25 faizi PKK terror təşkilatının Suriya qolu PYD/YPG-nin, 10 faizi İŞİD-in nəzarətindədir.
SalamNews “Haberler”ə istinadən məlumat verir ki, bunu Türkiyə prezidenti Rəcəb Tayyib Ərdoğan sədri olduğu hakim Ədalət və İnkişaf Partiyasının (AKP) qrup toplantısında çıxış edərkən bildirib.
Ərdoğanın sözlərinə görə, Rusiyanın dəstəyinə baxmayaraq, Suriya rejimi ölkə ərazisinin yarısına belə nəzarət etmir: “Müxalifət 20 faiz əraziyə nəzarət edir. Belə parçalanmış Suriya kimlərin işinə yarayır? Bunun Suriya xalqına faydası olmadığı hamıya məlumdur. PYD/YPG terror təşkilatı Suriyanın Deyr-Zor bölgəsində neft yataqlarını işğal edib. Kimin sayəsində? Hamıya məlumdur”.
