Dünən Ağcabədi rayonunun Yuxarı Qiyaməddinli kəndi ermənistan silahlı qüvvələrinin atəşinə məruz qalıb.

Metbuat.az bildirir ki, hadisə nəticəsində kənd sakini, 1991-ci il 15 mart təvəllüdlü Hacıyev Rahim Azər oğlu əkin sahəsində olarkən Ermənistan ordusunun bölmələri tərəfindən açılan atəş nəticəsində güllə yarası alıb.
Sözügedən hadisə ilə bağlı Metbuat.az-a açıqlama verən Ağcabədi rayonunun Yuxarı Qiyaməddinli kənd icra nümayəndəsi Fikrəddin Qurbanov bildirib ki, ermənilər kəndi hər gün atəşə tutur:

“Yaralının vəziyyəti hazırda yaxşıdır. Artıq buna vərdiş etmişik. Belə hallar əvvəl də baş verib. Düzü, nəticəsi hər zaman belə olmurdu. Amma atəş açmaqda davam edirdilər. Kənd əhalisi isə hazırda təsərrüfatda işlərini davam etdirir. Həyat öz axarı ilə gedir. Narahat olmağa əsas yoxdur”.