Goranboyda baş verən ağır yol nəqliyyat qəzasının səbəbi məlum olub.

teref.az xəbər verir ki, bu barədə DİN-nin mətbuat xidmətinin qərb regional qrupunun baş inspektoru Eşqin Qasımov APA-ya məlumat verib. Bildirib ki, ekspertiza müayinəsi zamanı məlum olub ki, qəzaya səbəb "Toyota Land Cruiser” markalı avtomobilin sürücüsü, 1960-cı il təvəllüdlü Füzuli Qasımovun sükan arxasında infarkt keçirməsi olub. Sürücü avtomobilə idarəetməni itirərək yolun qarşı tərəfinə çıxıb və "Niva” ilə toqquşub.

Ciddi xəsarət almayan F. Qasımov xəstəxanada həyat yoldaşının və digər avtomobildə olan bir nəfərin də öldüyünü eşidərək ürək tutmasından orada keçinib.

Faktla bağlı Goranboy rayon Polis Şöbəsində araşdırma aparılır.