Tvitterin parol saxlanma sistemində səhv aşkar edilib. Bu səbəbdən kompaniya bütün istifadəçilərini parolları dəyişdirməyə səsləyib.

Teleqraf.com “ICTnyus”a istinadən xəbər verir ki, bu yaxınlarda parolların daxili jurnalda maskalanmamış şəkildə saxlanıldığı müəyyən edilib. Yəni şirkətin işçiləri istifadəçilərin parollarını görə biliblər.



"Biz səhvi aradan qaldırmışıq və araşdırmamız göstərir ki, parollara müdaxilə və ya qanunsuz istifadə üzrə heç bir əlamət qeydə alınmayıb", – şirkətin bəyanatda deyilir.

Məlumat üçün qeyd edək ki, 2017-ci ilin sonunda Tvitter servisində 330 milyondan çox aktiv istifadəçi qeydiyyatdan keçib.