Hindistanda təcavüzə məruz qalan 16 yaşlı qız tonqalda yandırılıb. Hadisə Hindistanın şərqində yerləşən Cahkhand əyalətinin Raja-Kendua kəndində baş verib.

Teleqraf.com xəbər verir ki, təcavüzə məruz qalan qızın ailəsi hadisəni kəndin ağsaqqallarına danışaraq, şikayət edib. Bundan sonra qız yandırılaraq öldürülüb.

Polis kəndin ağsaqqal heyətinin təcavüz edən iki nəfərə 750 dollar cəza kəsdiyini bildirib. Təcavüz edən şəxslər isə bundan əsəbləşərək qızın ailəsinə hücum çəkərək onları döyüb, daha sonra qızın özünü diri-diri yandırıb.

Hadisə ilə əlaqədar 14 nəfəri həbs edilib. Polis bildirib ki, təcavüzkarlar 16 yaşlı qızı Raja-Kendua kəndi yaxınlığındakı meşədə zorlayıb.