Avqustun 27-də gecə saatlarında Abxaziyanın Qudauta şəhərində “Range Rover” markalı avtomaşında “Pıza” ləqəbi ilə tanınan abxaz “vor zakon” Raul Bartsban qumbaraatandan atəşə tutulub. Bu barədə “Naşa Abxaziya” portalı məlumat yayıb.

Hüquq-mühafizə orqanlarından bildirilib ki, maşının yanında qumbaraatan tapılıb. Faktla bağlı əməliyyat-istintaq tədbirləri aparılır.


Yayılan məlumatlara görə, bir müddət əvvəl “Kaxa Qalski” ləqəbi tanınan “qanuni oğru” Kaxaber Parpaliya “obşak”dan yığılan pulların bir hissəsini “Pıza”ya vermək qərarına gəlib. Söhbət fındıq biznesi ilə məşğul olanlardan və onlardan yığılan on minlərlə dollar civarında pullardan gedir.