Düşmən Ağdamın məhsuldar torpaqlarında taxıl əkinini artırmağa çalışır...

Azərbaycan Respublikasının ermənilərə işğal etdirilmiş 20 faizlik ərazisində qondarılmış separatçı-terrorçu rejimin Şuşada and içmiş yeni lideri Araik Arutyunyan dünən Ağdam rayonunun işğal altındakı torpaqlarına baş çəkib.

Moderator.az xəbər verir ki, Xankəndidəki separatçı nəşrlərin yaydığı məlumata görə, A.Arutyunyan öncə 1993-cü il iyunun 12-də Azərbaycan ordusu tərəfindən gəbərdilmiş beynəlxalq terrorçu Monte Melkonyanın Ağdam rayonunun Mərzili kəndindəki üzdəniraq xaçlı abidəsini ziyarət edib.

Daha sonra separatçı rəhbər Ağdamın xaraba qoyduqları kəndləri ərazisində taxıl əkin-biçini ilə maraqlanıb və səyyar müşavirə keçirib. O, erməni taxılçıların su problemini həll etmək üçün tezliklə yeni su kəmərlərinin çəkiləcəyinə söz verib.

Xatırladaq ki, Ağdam rayonunun Mərzili kəndi Azərbaycanın əsl milli(!) ruhlu ziyalılarından biri dünya şöhrətli kristalloqraf alim Xudu Məmmədovun doğma yurdudur.

Sultan Laçın