Ermənistan məhkəməsi baş nazirin müavini Tiqran Avinyanın həyat yoldaşı Məryəm Paxlavuninin əmlakına həbs qoyub. Azvision.az xəbər verir ki, bu barədə Ermənistan mətbuatı məhkəməyə istinadla məlumat yayıb.

Qeyd edilib ki, məhkəmə uroloq Qevorq Qriqoryanın ona qarşı iddiasını təmin edib. Həkim baş nazirin müavininin həyat yoldaşından şərəf və ləyaqətini ləkələyən ifadələri açıq şəkildə təkzib etməsini və mənəvi ziyana görə bir milyon dram (2 min dollardan çox) kompensasiya ödəməsini tələb edib.

Bununla əlaqədar olaraq hakim Paxlavuninin əmlakına həbs qoymaq qərarına gəlib.

Xatırladaq ki, baş nazir müavininin həyat yoldaşı uroloqu it adlandırıb.