“İllər əvvəl neftin qiyməti düşəndə, benzinin də ucuzlaşmasını tələb edənlərə İqtisadi İnkişaf Nazirliyinin nümayəndələri, o cümlədən SOCAR-ın prezidenti Rövnəq Abdullayev dəfələrlə bu cür izah veriblər. Onlar bildiriblər ki, Azərbaycanda yanacağın ucuzlaşmasının, “qara qızıl”ın qiymətinin qalxıb düşməsi ilə heç bir əlaqəsi yoxdur”.

Bu barədə KONKRET.az-a açıqlamasında tanınmış hüquqşünas Aslan İsmayılov fikir bildirib. O əlavə edib ki, yenə gecə vaxtı, gizli şəkildə benzinin qiymətini qaldırıblar: “Bu gün yenə hamısı bir ağızdan bahalaşmanın dünyada neft qiymətinin artması ilə izah edirlər. Sizin məntiqinizə “quzu kəsim”. Bu məntiqlə pandemiya bitəndə, benzinin qiyməti 2 manat olacaq”.