Gürcüstanın üçüncü prezidenti Mixail Saakaşvilinin şəxsi həkimi Nikoloz Ğipşidzenin sözlərinə görə, Saakaşvilinin səhhəti hər an dəyişə bilər.

Cia.az xəbər verir ki, həkim bu barədə Rustavidəki 12 saylı cəzaçəkmə müəssisəsini tərk etdikdən sonra jurnalistlərə bildirib.

O bildirib ki, Saakaşvili aclıq aksiyasını dayandırmaq niyyətində deyil və Qldani həbsxanasının xəstəxanasına aparılmaqdan imtina edir.

“Səhhət dünənki kimidir. Analizlərini öyrəndik, zərər yoxdur.

Mövqeyi eynidir, aclığa davam edir. O, heç bir halda Qldani həbsxana xəstəxanasına getməyə hazırlaşmır. Təzyiq dəyişkənliyi var.

Hazırda onun xəstəxanaya yerləşdirilməsinə ehtiyac yoxdur, lakin 10 dəqiqədən sonra xəstəxanaya yerləşdirilməli ola bilər", - Ğipşidze bildirib.