Ötən il Rusiya vətəndaşlığı alanlar arasında ermənilər çoxluq təşkil edib
15-01-2022, 11:33
Ötən il Rusiya vətəndaşlığını 667 mindən çox xarici ölkə vətəndaşı və vətəndaşlığı olmayan şəxs alıb.
“Report” TASS-a istnadən xəbər verir ki, bu barədə Rusiya Daxili İşlər Nazirliyindən bildirilib.
Məlumata görə, 2020-ci ilin uyğun dövründə isə bu rəqəm 563 min nəfər olub.
“2021-ci ildə Rusiya vətəndaşlığı alanlar arasında Ukrayna, Tacikistan, Qazaxıstan və Ermənistan vətəndaşları çoxluq təşkil edir”, - nazirlikdən bildirilib.
Qeyd olunub ki, ötən ilin ilk 11 ay ərzində 800-dən çox yüksək ixtisaslı əcnəbi Rusiya vətəndaşlığını qəbul edib. 2020-ci ilin uyğun dövründə isə bu rəqəm 950 nəfər olub.
