Rusiyanın Ukrayna işğalında ən çox zərərçəkən məntəqələrdən biri Mariupol oldu.

Liman şəhəri sözün həqiqi mənasında yerlə-yeksan olub. Yerli sakinlərdən biri kabus şəhərin içərisindən görüntülər paylaşıb. Kadrlarda xarabalığa çevrilən yaşayış məntəqələri, dəlmə-deşik olmuş binalar, yarıuçuq müəssisələr, məhv olmuş infrastruktur əks olunub.

Video müəllifi zərərin miqdarından heyrətə gələrək, yolun hər iki tərəfində eyni anda bu qədər binaların hansı üsulla bu hala salındığını təəccüblə soruşur. O, həmçinin bu kadrlarla Mariupolda minlərlə qurban olduğu barədə deyilənlərin həqiqiliyini sübut etdiyini vurğulayıb.


Mənbə: NEXTA Live