“Anadolu Agentliyi” xəbər verir ki, Ukrayna paytaxtının meri Vitali Kliçko çərşənbə axşamı Kiyevin raket hücumlarına məruz qaldığını bildirib.

Kliçko “Teleqram” kanalında yazıb: “Paytaxta hücum. İlkin məlumata görə,Peçerski rayonunda, iki yaşayış binasına zərbə dəyib. Hava hücumundan müdafiə sistemləri bir neçə raketi Kiyev üzərində vurub. Həkimlər və xilasedicilər hadisə yerindədirlər”.

Kiyev şəhər hərbi administrasiyası paytaxt səmasında 4 raketin vurulması barədə məlumat yayıb.

Ukraynanın Krivoy Roq, Çerkasski və Xmelnitski vilayətlərində də partlayışların baş verdiyi bildirilir.