Rusiyanın Moskva şəhərinin Şeremetyevo, Domodedovo və Vnukovo hava limanlarında noyabrın 10-dan terror aktları təhlükəsinin maksimum səviyyəsini tətbiq edilib.

Publika.az xəbər verir ki, bu barədə "Rostransnadzor"un hava limanlarına və aviadaşıyıcılara göndərdiyi məktuba istinadən "İzvestiya" qəzeti məlumat yayıb.

"10 noyabr 2022-ci il saat 00:00-dan 3 nömrəli təhlükəsizlik dərəcəsinə uyğun olan nəqliyyat kompleksinin fəaliyyətinə terror xarakterli qanunsuz müdaxilə aktının törədilməsi təhlükəsi müəyyən edilsin", - deyə məktubda bildirilir.

"Rostransnadzor" həmçinin aviaşirkətləri təhdidlərin yeni səviyyəsinə uyğun əlavə təhlükəsizlik tədbirlərinin görülməsi zərurəti barədə məlumatlandırıb.