Portuqaliyaya uçan təyyarədə qorxulu anlar: Çox sayda yaralı var - VİDEO

25-03-2023, 11:04           
Portuqaliyaya uçan təyyarədə qorxulu anlar: Çox sayda yaralı var - VİDEO
Anqoladan Portuqaliyaya uçan təyyarədə şiddətli turbulentlik qorxulu anların yaşanmasına səbəb olub.

Güclü turbulentlik nəticəsində on nəfərdən çox sərnişin, o cümlədən təyyarə heyəti də xəsarət alıb.

Bununla bağlı təyyarənin göyərtəsindən yayılan görüntülərdə turbulentliyin baş verdiyi anlar əks olunub.

Kadrlarda Luandadan Lissabona uçan təyyarənin koridorlarına səpələnmiş yeməklər və plastik qab-qacaqlar görünür. Salonun divarlarında və həmçinin də tavanında yemək və içki ləkələrini görmək mümkündür.
Hətta videoda üst rəflərin arasındakı boşluqda ilişib qalmış plastik qab da görünür.

Portuqaliya mediasının məlumatına görə, TAAG “Angola Airlines” tərəfindən idarə olunan “Hi Fly” təyyarəsində iki ekipaj üzvü də daxil olmaqla ən azı on nəfər yaralanıb.

Mənbə: “Daily Mail”












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru