Rusiyada həkimlər nadir patologiyası olan azyaşlı xəstəni əməliyyat ediblər. Dörd yaşlı uşağın boynunda qəlsəmə olub.

Bu barədə tibb müəssisəsinin mətbuat xidməti məlumat yayıb.

Həkimlərin fikrincə, belə bir anadangəlmə patologiya yalnız cərrahi yolla aradan qaldırıla bilər. Lazımi müayinələrdən sonra xəstə əməliyyat olunub. Bir neçə saat davam edən əməliyyat uğurla başa çatıb.

“Törəmə açılanda tağlı sümük strukturu aşkar edilib. Bu, çox nadir rast gəlinən anomaliyadır”, - deyə xəstəxananın uşaq cərrahiyyəsinin rəhbəri Viktoriya Jironkina bildirib.

Müdaxilədən sonra uşaq özünü yaxşı hiss edib və artıq evə buraxılıb.

Mənbə: gazeta.ru