Son günlərdə temperaturun yüksəlməsi müşahidə olunur. Aprel ayında temperaturun bu qədər yüksəlməsi qlobal istiləşmənin təsirdirmi, yoxsa yaz mövsümündə bu cür istilər normaldır?

Mövzu ilə bağlı TNS-ə açıqlama verən Milli Hidrometeorologiya Xidmətinin Hidrologiya Mərkəzinin direktoru Asif Verdiyev bildirib ki, bütün fəsillərdə havanın temperaturunun artması müşahidə olunur: “Ümumiyyətlə, iqlim dəyişmələri fonunda bütün fəsillərdə havanın temperaturunun artması müşahidə olunur. Hazırda aprel ayında biz bunu müşahidə edirik. Hazırda Bakıda müşahidə olunan maksimal temperatur nomadan yüksək olsa da, rekord göstərici deyil. Statistk məlumatlara baxsaq, aprel ayında ayrı-ayrı illərdə (1994, 1998, 2012) maksimal temperatur +31,5 dərəcə olub”.