Amerikalı lüks daşınmaz əmlak milyarderi və dərin dəniz tədqiqatçısı "Titanik" gəmisini kəşf etmək üçün sualtı qayıqla səyahət etməyi planlaşdırır.

ABŞ-ın Ohayo ştatından olan iş adamı Larri Konnor və “Triton Submarines” şirkətinin həmtəsisçisi Patrik Lahey Şimali Atlantik Okeanında batan gəmini görmək üçün təxminən 3800 metr dərinliyə getmək istədiklərini bildiriblər.

Konnorun şirkətinin mətbuat katibi verdiyi açıqlamada, təklif edilən səyahətin yalnız gəminin dəniz təşkilatı tərəfindən tam təsdiqindən sonra baş tutacağını bildirib. Planlaşdırılan ekspedisiyanın vaxtı açıqlanmayıb.

İkili “Triton 4000/2 Abyssal Explorer” adlı sualtı qayıqdan istifadə etməyi planlaşdırır.