Eynşteynin tarixin gedişatını dəyişən məktubu hərracda fantastik qiymətə satıldı

12-09-2024, 17:58           
Eynşteynin tarixin gedişatını dəyişən məktubu hərracda fantastik qiymətə satıldı
Dünyanın ən tanınmış fiziki Albert Eynşteynin ABŞ-nin 32-ci prezidenti Franklin Ruzveltə (prezidentlik illəri 1933-1945) məktubu "Christie's" hərracında 3.992 milyon dollara satılıb.

Oxu.Az-ın verdiyi məlumata görə, müvafiq məlumat hərrac evinin saytında dərc edilib.

Qeyd olunub ki, əvvəlcə sənəd 4-6 milyon dollar dəyərində qiymətləndirilirdi.

Məlumata görə, 2 avqust 1939-cu il tarixli məktubda alim nasist Almaniyasının nüvə proqramı üzərində işlədiyi barədə yazıb. O, almanların son dərəcə güclü bombalar yaratmağa cəhd edə biləcəyini ehtimal edib.

Məktub Eynşteynin ABŞ prezidentinə müraciətinin orijinal variantıdır - alim onu alman dilində diktə edib. Daha sonra Eynşteynin tələbəsi, macar fiziki Leo Silard onu ingilis dilinə tərcümə edib və məktubun genişləndirilmiş versiyasını hazırlayaraq Ruzveltə göndərib.

Bu versiya 1945-ci ildən Nyu-Yorkda Franklin Ruzvelt adına kitabxanada saxlanılır.

Fizik tərəfindən imzalanan və Silard tərəfindən saxlanılan məktubun qısa versiyası kolleksionerin əlinə düşüb, sənədin son sahibi "Microsoft"un 2018-ci ildə vəfat etmiş həmtəsisçisi Pol Allen olub.














Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru