Bir neçə ay öncə Səhiyyə Nazirliyinin “e-health.gov.az”, ETN-in “miq.edu.az” məlumat bazalarına kiberhücumla bağlı DTX-nın məlumatı yayılmışdı.
Ötən gün isə DTX bununla bağlı saxlanılan şəxsin Cinayət Məcəlləsinin kibercinayətlər üzrə BİR NEÇƏ MADDƏSİ ilə təqsirləndirildiyini bildirib.
Baxıram ki, kiber hücum edənin də oğurladığı müəllimlərin, ya həkimlərin fərdi məlumatları olub və sonradan da bunu satışa çıxarıb.
Maraqlıdır ki, kiber sahədə müəyyən bilik və bacarığa sahib olan şəxs nədənsə müəllimlərin və həkimlərin məlumat bazasını əldə etmək istəyib. Bəlkə də imtahan sisteminə, suallar bazasına da daxil olmaq istəyib ki, sonradan şparqalka satsın.
Amma bildiyim qədər imtahan sistemi də daxildə, qapalı şəbəkədədir.
Əgər kiberdələduz hüquq-mühafizə qurumlarının, xüsusi xidmətin, heç olmasa bankların məlumat bazalarına hücum etsəydi də eyni maddələrlə təqsirləndiriləcəkdi.
Amma bu halda onun kibercinayətlər üzrə 10 ilədək “srok” almaq yox, heç olmasa xaricdə olduğu kimi, bacarıqlarına görə kiber sahədə yaxşı bir iş tapmaq şansı da ola bilərdi.
Osman Gunduz
TEREF