Papayya tropik iqlimdə yetişən və sağlamlıq üçün çox faydalı bir meyvədir. Tərkibindəki yüksək miqdarda C vitamini, A vitamini və antioksidantlar immunitet sistemini gücləndirir və orqanizmi sərbəst radikallardan qoruyur. Foodinfo.az xəbər verir ki, xüsusilə tərkibindəki papain fermenti həzm sisteminə kömək edir, proteinlərin parçalanmasını sürətləndirir və qəbizliyin qarşısını alır. Papayya liflə zəngin olduğu üçün bağırsaq sağlamlığını dəstəkləyir və xolesterol səviyyəsini tarazlaşdırmağa kömək edir. Bu meyvə eyni zamanda ürək sağlamlığını qoruyur, gözlər üçün faydalı olan beta-karotenlə zəngindir və dərinin elastikliyini artıraraq cavan qalmasına dəstək verir. Meyvə olaraq çiy halda, smuzi və ya salatlarda istifadə edilə bilər. Hamiləlik zamanı çox istifadə edilməsi tövsiyə olunmur, çünki papayya bəzi hallarda uşaqlıq əzələlərinə təsir göstərə bilər.