Suriyada səkkiz illik fasilədən sonra noyabrın 27-də səhər tezdən Hələb vilayətinin qərbindəki çöl ərazilərində şok hücum təşkil edən Heyət Təhrir əl-Şamın (HTŞ) başçılıq etdiyi müxalif silahlılar qüvvələrlə toqquşmaları davam etdirir.

İndex.az xəbər verir ki, “Ağ Dəbilqəlilər” kimi tanınan Suriya Mülki Müdafiə Təşkilatı hökumətə müxalif bölgələrdə fəaliyyət göstərir.

Qrup Əsəd ordusunun Hələb və İdlib şəhərlərində Rusiya qüvvələri ilə birgə əks əməliyyatlara başladığını bildirib.

Hökumətin İdlibə endirdiyi hava zərbələri nəticəsində ikisi uşaq olmaqla azı 3 mülki şəxsin həyatını itirdiyi, 11 mülki vətəndaşın isə yaralandığı bildirilib.