Süni intellektin (Sİ) inkişafı, marketpleyslərdən istifadənin artması və "Google"un təqdim etdiyi axtarış məlumatlarının keyfiyyətinin pisləşməsi səbəbindən "Google" axtarışının populyarlığı sürətlə azalır.

Oxu.Az bu barədə "The Wall Street Journal"a istinadən xəbər verir. məlumat verir.

Bu tendensiyalar "Google"un axtarış trafikinin azalmasına və şirkətin "ifrat gəlirdən" məhrum olmasına gətirib çıxara bilər.

"eMarketer"in proqnozlarına görə, 2025-ci ildə "Google"un ABŞ axtarış reklamı bazarındakı payı izləmənin başlanğıcından bəri ilk dəfə 50%-dən aşağı düşəcək.

Hazırda gənc nəsil məlumat toplamaq üçün digər platformalardan, xüsusilə Sİ-dən istifadə etməyə üstünlük verir. Məsələn, "OpenAI" korporasiyası "ChatGPT"yə internet axtarış funksiyasını əlavə edib. Amazon şirkəti reklamverənlərdən milyardlarla dollar qazanır, çünki istifadəçilər məhsul seçərkən "Google" axtarışından yan keçərək birbaşa marketpleysə gedirlər.

Reklam platforması "Skai"ın məlumatlarına görə, "Google"da reklama klikləmələrin sayı ötən illə müqayisədə 8% azalıb. Sİ vasitəsilə yaradılan kontentin yayılması səbəbindən axtarış nəticələrinin keyfiyyətinin aşağı düşməsi də "Google"un populyarlığına təhlükə yaradır.