Los-Anceles tarixindəki ən dağıdıcı yanğınlardan biri artıq ən azı on nəfərin ölümünə, on minə yaxın binanın yanmasına və 150 000-dən çox sakinin didərgin düşməsinə səbəb olub.

Bu barədə Bild xəbər verir.

İlkin hesablamalara görə, ümumi zərər 150 milyard dolları keçə bilər. Zərərşəkənlər arasında Paris Hilton, Entoni Hopkins və Con Qudman kimi məşhur amerikalılar da olub, onların Malibu bölgəsindəki evləri yanğın nəticəsində külə dönüb.

Bununla belə, xarabalıqların arasında 2000-ci ildə sahildə tikilmiş müasir üçmərtəbəli villa, demək olar ki, toxunulmaz olaraq qalıb. Dəyəri təxminən səkkiz milyon dollar olan bina böyük tullantıların idarə olunması şirkətinin rəhbəri Devid Ştaynerə məxsusdur. Ətrafındakı qonşu evlər tüstülənir, lakin onun villası salamat qalıb.

Hadisə şahidlərinin sözlərinə görə, binanın xilas edilməsində əsas rolu yanğın genişləndikcə evi məqsədyönlü şəkildə mühafizə edən yanğınsöndürmə briqadaları oynayıb. Qonşu evlər yanarkən yanğınsöndürənlər öz səylərini villanın fasadının və damının vaxtında soyudulmasına yönəltmək qərarına gəliblər ki, bu da onu alovdan qorumağa imkan verib.