Ukrayna Silahlı Qüvvələri (USQ) Rusiyanın Belqorod vilayətinin kəndini ələ keçirib.

Bu barədə rusiyalı hərbi müxbir Vladimir Romanov Telegramda yazıb.

Kəndin havadan aktual videogörüntüsünü paylaşmış bloger Rusiya qoşunlarının ərazini tərk etdiyini açıqlayıb: “Demidovka, Belqorod vilayəti. Hazırda düşmən tərəfindən zəbt edilib. Onu saxlayanlar sadəcə olaraq atıb gediblər. Düşmən minatəmizləmə işləri apararaq keçid aça biliblər. Vəssalam, düşmən buradadır”.

Xatırladaq ki, ötən ilin avqustunda Rusiyanın Kursk vilayətinə hücum edən USQ regionun təqribən min kvadratkilometr sahəsini, o cümlədən Suca rayonunun eyniadlı mərkəzini, habelə bir neçə kəndi ələ keçirə bilmişdi. Mart ayında Ukrayna ordusu Kursk vilayətindən geri çəkilib.

Mənbə: bizim.media