Maykl Qloss ABŞ Mərkəzi Kəşfiyyat İdarəsinin (CİA) yüksəkvəzifəli məmuru Culianna Qallina Qlossun oğlu idi. Lakin ABŞ yerinə Rusiya ordusunda vuruşmağı seçib və həyatını itirib.
"Bild" nəşri xəbər verir ki, Maykl Qloss 2024-cü ilin aprelində Baxmut istiqamətində Rusiya ordusunun əsgəri kimi həlak olub.

Məlumata görə, Qloss 2023-cü ildə ABŞ-nin Vermont ştatında təhsilini yarımçıq qoyaraq dünyanı gəzməyə başlayıb. İtaliya, İsrail (oradan deportasiya edilib) və Türkiyədən (zəlzələ qurbanlarına kömək edib) keçərək Rusiyaya gəlib.

2023-cü ilin sentyabrında Qloss Rusiya ordusuna qatılıb. O, İslamı qəbul edərək özünü Həmzə Əli adlandırıb.

Qlossun psixi pozuntulardan əziyyət çəkdiyi bildirilir.