"Yeni dövlət silahlanma proqramı universal hava hücumundan müdafiə sisteminin formalaşmasını təmin etməlidir".

TASS-ın verdiyi xəbərə görə, bunu Rusiya Prezidenti Vladimir Putin deyib.

"Yeni dövlət silahlanma proqramı istənilən şəraitdə işləməyə və növündən asılı olmayaraq hava hücumu silahlarını effektiv şəkildə məhv etməyə qadir olan universal hava hücumundan müdafiə sisteminin formalaşmasını təmin etməlidir", - deyə o vurğulayıb.

Putinin sözlərinə görə, müxtəlif tipli pilotsuz uçuş aparatlarına qarşı mübarizə yeni yanaşmalar və qeyri-standart həllər tələb edir: "Bu sahə xüsusilə aktual olaraq qalır".